Bakıda silahlı insidentlə bağlı üç nəfər saxlanılıb - YENİLƏNİB

Bakıda silahlı insidentlə bağlı üç nəfər saxlanılıb - YENİLƏNİB
10.03.2023 18:20
Aa
dəq

Paytaxtın Nəsimi rayonu, Səməd Vurğun küçəsində baş vermiş silahlı insidentlə əlaqədar cinayət əməlini törətməkdə şübhəli bilinən 3 nəfər polis əməkdaşları tərəfindən saxlanılıb.

Bu barədə "Operativ Məlumat Mərkəzi-OMM"-ə Daxili İşlər Nazirliyinin (DİN) Mətbuat Xidmətindən məlumat verilib.

Qeyd edilib ki, əməliyyat-axtarış tədbirləri davam etdiyi üçün onların adları açıqlanmır:

"Onlardan cinayətdə istifadə olunan tapança aşkar olunaraq götürülüb. Sosial şəbəkələrdə cinayət hadisəsi ilə bağlı olan iddialar əsassızıdır. Əməliyyat-axtarış tədbirləri yekunlaşdıqdan sona əlavə məlumat veriləcək".

17:06 ***

Paytaxtın Nəsimi rayonu, Səməd Vurğun küçəsində baş vermiş silahlı insidentlə əlaqəli TƏBİB-in tabeliyindəki Kliniki Tibbi Mərkəzə (KTM) yerləşdirilən iki nəfərin müayinə və müalicəsi davam etdirilir.

TƏBİB-dən "Operativ Məlumat Mərkəzi-OMM" -ə verilən məlumata görə, 1983-cü il təvəllüdlü Tamerlan Hüseynov sol baldırın aşağı üçdə bir hissəsini dəlib keçən güllə yarası diaqnozu ilə hazırda KTM-in Travmatologiya şöbəsinə köçürülüb, vəziyyəti stabildir.

Qeyd olunub ki, sağ baldırın aşağı üçdə bir hissəsini dəlib keçən güllə yarası diaqnozu qoyulan 2002-ci il təvəllüdlü Fəqan Rəhimlinin cərrahi əməliyyat edilməsi qərara alınıb, vəziyyəti orta ağır qiymətləndirilir.

15:30***

Bakıda Səməd Vurğun küçəsində baş vermiş silahlı insidentlə bağlı saxlanılan var.

DİN-in mətbuat xidmətindən "Operativ Məlumat Mərkəzi-OMM"-ə verilən məlumata görə, hadisəni törətməkdə şübhəli bilinən şəxs polis tərəfindən saxlanılıb.

Hadisə nəticəsində xəsarət alan iki nəfər TƏBİB-in tabeliyindəki Kliniki Tibbi Mərkəzin Təcili tibbi yardım şöbəsinə yerləşdirilib.

Hazırda onlara zəruri tibbi xidmətlər göstərilir.

15:25***

Araşdırmalarla məlum olub ki, hadisədə 2 nəfər xəsarət alıb.

Bu barədə "Operativ Məlumat Mərkəzi-OMM"-ə DİN-dən bildirilib. Xəsarət alanlar - 2002-ci il təvəllüdlü Fəqan Rəhimli, 1983-cü təvəllüdlü Tamerlan Hüseynov xəstəxanaya çatdırılıb.

15:16***

Nəsimi rayonu, Səməd Vurğun küçəsində baş vermiş silahlı insidentlə bağlı hazırda Baş Prokurorluq və Daxili İşlər Nazirliyinin əməkdaşları hadisə yerindədilər. 

"Operativ Məlumat Mərkəzi-OMM" xəbər verir ki, bu barədə Baş Prokurorluq məlumat yayıb.

15:09***

Bakı Dövlət Sirkinin yaxınlığında baş verən hadisə ilə əlaqədar TƏBİB-in tabeliyindəki Bakı Şəhəri Təcili və Təxirəsalınmaz Tibbi Yardım Stansiyasının briqadaları əraziyə cəlb edilib.

Bu barədə "Operativ Məlumat Mərkəzi-OMM"-ə TƏBİB-dən bildirilib.

Əlavə məlumat veriləcək.

 Xəsarət alanlardan biri tələbədir.

15:07***

Paytaxtın Nəsimi rayonunda 3 nəfərin odlu silahdan açılan atəşdən yaralanması ilə bağlı polisə məlumat daxil olub.

Daxili İşlər Nazirliyinin (DİN) mətbuat xidmətindən "Operativ Məlumat Mərkəzi-OMM"-ə bildirilib ki, hadisə yerinə polis əməkdaşları cəlb edilib.

Araşdırma aparılır. Əlavə məlumat veriləcək.

Hadisə "Vurğun Residence"nin qarşısında baş verib.

15:00***

Bakıda atışma olub.

"Operativ Məlumat Mərkəzi-OMM" xəbər verir ki, hadisə Bakı Dövlət Sirkinin yaxınlığında qeydə alınıb.

Silahlı insidentlə bağlı əraziyə hüquq-mühafizə orqanlarının əməkdaşları cəlb edilib. Hadisə nəticəsində 3 nəfərin xəsarət aldığı bildirilir.

Daxili İşlər Nazirliyinin mətbuat xidmətindən "Operativ Məlumat Mərkəzi-OMM"-ə  bildirilib ki, araşdırma aparılır.

Həftənin ən çox oxunanları

DİN: Cinayət törətməkdə şübhəli bilinən 31 nəfər saxlanılıb

DİN: Cinayət törətməkdə şübhəli bilinən 31 nəfər saxlanılıb
DAVAMIN OXU davamın oxu

Keşlədə tanışını bıçaqla öldürməkdə şübhəli bilinən şəxs saxlanılıb

Keşlədə tanışını bıçaqla öldürməkdə şübhəli bilinən şəxs saxlanılıb
DAVAMIN OXU davamın oxu

Qusardan Qubaya gələrək evlərdən oğurluq etməkdə təqsirləndirilən şəxs həbs edilib

Qusardan Qubaya gələrək evlərdən oğurluq etməkdə təqsirləndirilən şəxs həbs edilib
DAVAMIN OXU davamın oxu

Əhməd Əhmədov ilə bağlı psixoloji ekspertizanın rəyi məlum olub - YENİLƏNİB

Əhməd Əhmədov ilə bağlı psixoloji ekspertizanın rəyi məlum olub - YENİLƏNİB
DAVAMIN OXU davamın oxu

Bakıda üç narkokuryerdən 18 kiloqrama yaxın narkotik götürülüb

Bakıda üç narkokuryerdən 18 kiloqrama yaxın narkotik götürülüb
DAVAMIN OXU davamın oxu