Azərbaycanda bir sıra informasiya resursları kütləvi haker hücumuna məruz qalıb.
"Operativ Məlumat Mərkəzi-OMM" xəbər verir ki, bu səbəbdən report.az, oxu.az, baku.ws, caliber.az və digər saytların fəaliyyətində problemlər yaranıb.
Hazırda həmin saytlara giriş məhdudlaşıb.
Qeyd edək ki, haker hücumuna məruz qalan “Report” informasiya agentliyinin saytında “Hüseynçilər” hərəkatının loqosu yerləşdirilib. Sonradan isə həmin bildiriş yığışdırılıb və hazırda saytlara girişdə sadəcə “Bu sayta daxil olmaq mümkün deyil” yazısı görünür.