Futbol üzrə milli komandamız bu gün UEFA Millətlər Liqasında mübarizəyə başlayıb.

"Operativ Məlumat Mərkəzi-OMM" xəbər verir ki, Fernandu Santuşun rəhbərlik etdiyi kollektiv Bakıda İsveç seçməsini qəbul edib.

Tofiq Bəhramov adına Respublika stadionunda baş tutacaq görüşə saat 20:00-da start verilib. Qarşılaşma qonaqların qələbəsi ilə nəticələnib - 3:1.

UEFA Millətlər Liqası

C Liqası, I qrup, I tur

5 sentyabr

20:00 Azərbaycan – İsveç 1:3

Qollar: Renat Dadaşov, 83 - Aleksandr İsak, 65, 71, Viktor Qyökeres, 80-pen.

Qolla nəticələnməyən penalti: Ramil Şeydayev, 45+7

Azərbaycan: Mehdi Cənnətov, Elvin Cəfərquliyev, Bəhlul Mustafazadə, Bədavi Hüseynov, Abbas Hüseynov, Aleksey İsayev, Coşqun Diniyev, Toral Bayramov, Emin Mahmudov, Renat Dadaşov, Ramil Şeydayev.

İsveç: Viktor Yohansson, Lüdviq Auqustinsson, İsak Hien, Aleks Duqlas, Linus Valqvist, Yasin Ayari, Mattias Svanberg, Antoni Elanqa, Aleksander İsak, Deyan Kuluşevski, Viktor Qyökeres.

Baş hakim: Balaş Berke (Macarıstan)

"Real Madrid" yaxın günlərdə fransız müdafiəçisi Ferland Mendi ilə müqaviləni uzadacaq.

"Operativ Məlumat Mərkəzi-OMM" xəbər verir ki, bu barədə “Marca” məlumat yayıb.

Yeni müqavilə 30 iyun 2027-ci ilə qədər qüvvədə olacaq.

Məlumata görə, müqavilənin uzadılması ilə bağlı danışıqlar bütün yay boyu aparılıb.

Müqavilənin uzadılması ilə bağlı rəsmi açıqlamanın yaxın günlərdə olacağı gözlənilir.

Mendi 2019-cu ilin yayından İspaniya nəhəngində çıxış edir. Bu müddət ərzində o, bütün turnirlərdə 175 matçda iştirak edib, bu matçlarda 6 qol vurub, 10 məhsuldar ötürmə edib.

"İnter" yarımmüdafiəçi Kristjan Aslani ilə yeni uzunmüddətli müqavilə imzalayıb.

"Operativ Məlumat Mərkəzi-OMM" xəbər verir ki, bu barədə Milan klubunun mətbuat xidməti məlumat yayıb.

22 yaşlı futbolçu ilə müqavilə 30 iyun 2028-ci ilə qədər nəzərdə tutulub.

Aslani 2022-ci ilin yayında "Empoli"dən "İnter"ə keçib.

Yarımmüdafiəçi Milan komandasının heyətində 64 oyun keçirib.

Futbol statistikası və analitikası ilə məşğul olan beynəlxalq “Football Meets Data” səhifəsi Avropa Liqasının təhlilini həyata keçirib.

"Operativ Məlumat Mərkəzi-OMM" xəbər verir ki, Liqa mərhələsində yarışan 36 komandanın pley-off, 1/8 final və 1/4 finala çıxmaq şansları dəyərləndilib.

Təhlilçilərin fikrincə, Azərbaycan çempionu “Qarabağ” “pley-off”da iştirak edə biləcək. Ağdam klubunun ən güclü 24 komanda sırasına düşmək şansı 63 faiz olaraq göstərilib. Onlara görə, Qurban Qurbanovun baş məşqçisi olduğu komanda Liqa mərhələsini 23-cü yerdə başa vuracaq "pley-off"da oynaya biləcək.

“Qarabağ”ın TOP-8-ə düşmək şansı isə 13 faiz olaraq qeyd edilib. Yəni “Football Meets Data”ya görə, “Qarabağ”ın  bu mərhələdə iştitak ehtimalı çox azdır. 

Xatırladaq ki, Liqa mərhələsində “Qarabağ”ın rəqibləti “Tottenhem” (İngiltərə), “Malmö” (İsveç), “Ayaks” (Niderland), “Bodo Qlimt” (Norveç), “Lion” (Fransa), Elfsborq” (İsveç) FCSB (Rumıniya) və “Olimpiakos”dur (Yunanıstan).

Avroliqanın Liqa mərhələsində 1-8-ci yeri tutanlar 1/8 finala birbaşa vəsiqə qazanır. 9-24-cü yeti tutanlar isə şərti olaraq 1/16 final da adlandıra biləcəyimiz “pley-off”da oynayacaqlar. 25-36-cı yeri tutanlar avrokuboklarda iştirakını başa vururlar.

“Football Meets Data”ya görə, Avroliqada 1/4 finala isə aşağıda adları qeyd edilən 8 komanda yüksələcək:

1. “Tottenhem (İngiltərə) 

2. “Qalatasaray” (Türkiyə) 

3. “Mançester Yunayted” (İngiltərə) 

4. “Atletik” (İspaniya) 

5. “Roma” (İtaliya)

6. “Latsio” (İtaliya)

7. “Portu” (Portuqaliya)

8. “Ayntraxt” (Almaniya)

Final mərhələsi üçün proqnoz

Azərbaycan Premyer Liqasının VII turunda üz-üzə gələcək "Neftçi" - "Qarabağ" oyununun yeri dəyişdirilib.

"Operativ Məlumat Mərkəzi-OMM" Peşəkar Futbol Liqasının (PFL) rəsmi saytına istinadən xəbər verir ki, “Neftçi” klubunun ev oyunlarını keçirdiyi “Neftçi Arena”da təmir və yenidənqurma işləri başa çatmadığına görə "ağ-qaralar" “Qarabağ”la matçın məkanının dəyişdirilməsi üçün PFL-ə müraciət edib.

“Qarabağ” klubunun rəsmi razılığını nəzərə alan qurum VII turda baş tutacaq “Neftçi” - “Qarabağ” oyunu ilə XV turun “Qarabağ” - “Neftçi” matçının yerini dəyişdirib. Qarşılaşma sentyabrın 20-də, saat 20:00-da "Azərsun Arena"da reallaşacaq.

İspaniyanın "Real" klubunun futbolçusu Brahim Dias zədələnib.

"Operativ Məlumat Mərkəzi-OMM" xəbər verir ki, bu barədə klubun mətbuat xidməti məlumat yayıb.

25 yaşlı yarımmüdafiəçi La Liqanın 5-ci turunda “Real Sosyedad”la oyunda (2:0) sağ budundan zədələnib. Bu səbəbdən o, matçın 25-ci dəqiqəsində Rodriqo ilə əvəzlənib.

"Marca"nın məlumatına görə, yarımmüdafiəçinin sağalma prosesi üç ay çəkə bilər.

Qeyd edək ki, B.Dias cari mövsümdə İspaniya çempionatında meydana çıxdığı 5 matçda 1 qol vurub və məhsuldar ötürmə edib.