OMM Redaksiyası
Azərbaycan klubları 2026/2027 mövsümündə avrokuboklarda 14-cü qələbəsini qazanıb. Bununla da ölkə təmsilçiləri bu turnirlərdə bir mövsüm ərzində əldə edilən qələbələrin sayına görə yeni rekorda imza atıblar.
Peşəkar Futbol Liqasının mətbuat xidmətinin məlumatına görə, rekord UEFA Çempionlar Liqasının Liqa mərhələsinin ikinci turunda qeydə alınıb. “Sabah” öz meydanında Çexiyanın “Slaviya” klubunu 2:0 hesabı ilə məğlub edib.
Əvvəlki göstərici yeniləndi
Azərbaycan klubları 2023/2024 mövsümündə avrokuboklarda 13 qələbə qazanmışdı. Cari mövsümdə “Sabah”ın hesabında 7, “Qarabağ”ın 4, “Zirə”nin 2, “Neftçi”nin isə 1 qələbəsi var.
“Sabah”ın qələbəsi Azərbaycanın UEFA reytinqindəki göstəricilərinə də təsir edib. Ölkənin cari mövsüm üzrə əmsalı 5,625-ə, son beş mövsümün nəticələrinə əsaslanan reytinq xalları isə 24,187-yə yüksəlib.
Bu göstərici 24,125 xalı olan İsraili geridə qoymağa imkan verib. Azərbaycan UEFA reytinqində bir pillə irəliləyərək 24-cü sıraya yüksəlib.
