Futbol üzrə Azərbaycan I və II Liqasının başlama tarixləri müəyyənləşib.

"Operativ Məlumat Mərkəzi-OMM" xəbər verir ki, bu barədə Peşəkar Futbol Liqasının mətbuat xidməti məlumat yayıb.

II Liqa sentyabrın 1-də start götürəcək. I Liqa isə bundan 10 gün sonra – 11 sentyabrda başlayacaq.

Serbiya millisinin və "Torino"nun yarımmüdafiəçisi İvan İliç karyerasını Rusiya Premyer Liqasında davam etdirə bilər.

"Operativ Məlumat Mərkəzi-OMM" xəbər verir ki, bu barədə "Tuttosport" məlumat yayıb.

Qeyd edilib ki, "Zenit" klubu serb futbolçunu almaq istəyir. 

Komanda rəhbərliyi oyunçu üçün 25 milyon avro təklif etməyə hazırdır.

Futbolçunun "Torino" ilə müqaviləsi 2027-ci ilin ortalarına qədər hesablanıb, onun transfer dəyəri 18 milyon avro qiymətləndirilir.

Rusiyalı mütəxəssis Valeri Karpin milli komanda ilə müqaviləsini uzadıb.

"Operativ Məlumat Mərkəzi-OMM" xəbər verir ki, bu barədə Rusiya yığmasının sosial şəbəkələrdəki səhifələrində bildirilib.

Məşqçi ilə yeni müqavilə 2028-ci ilə qədər qüvvədə olacaq.

"Rostov"a da rəhbərlik edən Karpin, 2021-ci ildən bəri Rusiya yığmasını çalışdırır. 

Azərbaycanın FIFA referisi Kamal Umudlu UEFA Konfrans Liqasına təyinat alıb.

"Operativ Məlumat Mərkəzi-OMM" xəbər verir ki, o, I təsnifat mərhələsində Albaniyanın "Vlazniya" və İslandiyanın "Valyur" klubları arasında keçiriləcək cavab oyununun baş hakimi olacaq.

Ona yan xətt hakimləri Namik Hüseynov və Vüsal Məmmədov kömək edəcəklər. Dördüncü hakim funksiyasını isə Tural Qurbanov yerinə yetirəcək.

Qeyd edək ki, iyulun 18-də Albaniyanın Şkoder şəhərindəki "Loro Boriçi" stadionunda keçiriləcək qarşılaşma Bakı vaxtı ilə saat 20:00-da başlayacaq.

Futbol üzrə Avropa çempionatının qrup mərhələsinin üçüncü turu çərçivəsində Gürcüstan və Portuqaliya milliləri üz-üzə gəlib.

"Operativ Məlumat Mərkəzi-OMM" xəbər verir ki, gərgin şəraitdə keçən oyunda gürcülər qərbi avropalıları məğlub edib – 2:0.

Oyunun 2-ci dəqiqəsində Kvitsa Kvaratsxeliya hesabı açıb.

Görüşün 57-ci dəqiqəsində Corc Mikautadze 11 metrlik cərimə zərbəsindən komandasının ikinci, qarşılaşmanın sonuncu qolunu vurub.

Futbol üzrə Avropa çempionatının qrup mərhələsinin üçüncü turu çərçivəsində Çexiya və Türkiyə milliləri üz-üzə gəlib.

"Operativ Məlumat Mərkəzi-OMM" xəbər verir ki, qarşılıqlı hücumlar şəraitində keçən oyunda türklər çexləri məğlub edib – 2:1.

Oyunun 51-ci dəqiqəsində Türkiyə millisinin kapitanı Hakan Çalhanoğlu hesabı açıb.

Qarşılaşmanın 66-cı dəqiqəsində Tomaş Souçek tarazlığı bərpa edib.

Qarşılaşmanın 90+4-cü dəqiqəsində Cenk Tosun komandasına qələbə qolunu qazandırıb.

Bununla da Türkiyə millisi Avropa çempionatının 1/8 final mərhələsinə yüksəlib.