OMM Redaksiyası
Azərbaycan futbolunun iki nəhəngi – "Neftçi" və "Qarabağ" arasında keçirilməsi planlaşdırılan Misli Premyer Liqasının XXI turunun mərkəzi qarşılaşması təxirə salınıb. Fevralın 21-nə təyin edilmiş bu mühüm görüşün vaxtı dəyişdirilib.
"Operativ Məlumat Mərkəzi-OMM" Peşəkar Futbol Liqasına (PFL) istinadən xəbər verir ki, qərar "Qarabağ" klubunun müraciəti və "Neftçi" rəhbərliyinin bu müraciətə verdiyi razılıq əsasında qəbul edilib.
Hər iki paytaxt klubunun ortaq razılığı ilə PFL qarşılaşmanın başqa tarixdə keçirilməsini rəsmiləşdirib.
Ağdam təmsilçisinin bu müraciəti etməsinə səbəb UEFA Çempionlar Liqasının pley-off mərhələsində İngiltərənin "Nyukasl" komandası ilə keçiriləcək oyunlara daha ciddi hazırlaşmaq istəyidir.
PFL "Neftçi" - "Qarabağ" duelinin hansı tarixdə baş tutacağı barədə hələlik rəsmi məlumat yaymayıb. Görüşün yeni vaxtı hər iki klubun təqvimi və Çempionlar Liqasındakı nəticələr nəzərə alınmaqla müəyyən ediləcək.
