Son dövrlərdə “TikTok” və “YouTube” platformalarında canlı yayımlar zamanı açıq söyüşlər, təhqirlər, əxlaqsız davranışlar və nifrət nitqi halları artıb.
"Operativ Məlumat Mərkəzi-OMM" xəbər verir ki, bu barədə Mətbuat Şurası məlumat yayıb.
Mətbuat Şurası bildirir ki, bu cür davranışlar cəmiyyətdə aqressiyanın artmasına və milli-mənəvi dəyərlərə zərər vurur. Xüsusilə xaricdə yaşayan bəzi blogerlər və tiktokerlər insanları açıq şəkildə təhqir edir, alçaldır və qarşıdurma mühiti yaradır.
Şura vurğulayır ki, ifadə azadlığı heç bir halda təhqirə, söyüşə, nifrət nitqinə və yalan məlumat yayımına haqq qazandırmır. Sosial media istifadəçiləri qanunvericiliyə, etik normalara və ictimai məsuliyyət prinsiplərinə uyğun davranmağa çağırılır.
