Azad olunmuş ərazilərdə gündə 1200 kvadratmetrədək ərazi təmizlənir

Azad olunmuş ərazilərin minalardan təmizlənməsində xüsusi təlim keçmiş itlərdən də istifadə edilir.

"Operativ Məlumat Mərkəzi-OMM" xəbər verir ki, bunu Fövqəladə Hallar Nazirliyinin Xüsusi Riskli Xilasetmə Xidmətinin xüsusi təyinatlı alayının Kinoloji qrupunun təlimatçısı Məqsəd Məmmədov Ağdamda aparılan minatəmizləmə fəaliyyəti barədə danışarkən deyib. Onun sözlərinə görə, gün ərzində iki baş itin iştirakı ilə 800-1200 kvadratmetrədək ərazi təmizlənir: "Bəzən bu ərazi hava şəraitinə görə dəyişə də bilər. Bu günə kimi işğaldan azad olunmuş ərazilərin minalardan təmizlənməsində minaaxtaran itlərin rolu çox böyük olub. Havaların isti keçməsinə baxmayaraq, təlimatçılar itlərin köməkliyi ilə işlərini sürətlə davam etdirir".