Afət Ziyadqızı
Avstraliya xarici işlər naziri Penni Vonq 11 martda parlament dinləmələrində Əbu-Dabi və Təl-Əvivdəki səfirliklərin, eləcə də Dubaydakı konsulluğun ötən həftə müvəqqəti bağlandığını təsdiqləyib.
“Operativ Məlumat Mərkəzi-OMM” xəbər verir ki, bu barədə "The Guardian" məlumat yayıb.
Vonq bildirib ki, hökumətin bir nömrəli prioriteti “avstraliyalıların ölkə daxilində və xaricdə təhlükəsizliyidir”.
O əlavə edib: “İranın təhlükəli və sabitliyi pozan hücumları avstraliyalılar da daxil olmaqla mülki şəxslərin həyatını təhlükəyə atır”.
Nazirin sözlərinə görə, ABŞ və İsrailin İrana qarşı hücumları ilə başlayan Yaxın Şərq müharibəsi başlayandan bəri 3 200-dən çox avstraliyalı 23 uçuşla vətənə qayıdıb. Münaqişənin əvvəlində bölgədə təxminən 115 000 Avstraliya vətəndaşı mövcud idi.
