Ukraynada ordunun səfərbərlik sürəti son iki ayda iki dəfə artıb.
"Operativ Məlumat Mərkəzi-OMM" xəbər verir ki, bu barədə “Reuters” Ukrayna Silahlı Qüvvələrindəki mənbələrə istinadən məlumat yayıb.
“Ukrayna hərbçiləri “Reuters”ə yazılı açıqlama verərək bildiriblər ki, may və iyun aylarında hərbi xidmətə çağırış səviyyəsi əvvəlki iki aya nisbətən iki dəfədən çox artıb”.
Dəqiq rəqəm isə bildirilməyib.
Ukrayna Silahlı Qüvvələrinin İctimaiyyətlə Əlaqələr İdarəsinin rəisi Boqdan Senik bunu “müsbət tendensiya” adlandırıb. Agentlik bildirir ki, hərbi xidmətdə olan bir əsgərin orta yaşı dəyişməz olaraq təxminən 40 ildir.
"Reuters" vurğulayıb ki, səfərbərlik siyasətində aparılan islahatlardan sonra bəzi işə qəbul mərkəzləri iyulun 16-dan əvvəl qeydiyyatdan keçmək və ya məlumatlarını yeniləmək üçün gələn kişi axınının öhdəsindən gəlməkdə çətinlik çəkirlər.
