Pakistan qüvvələri Əfqanıstan ərazisinə növbəti hava hücumları həyata keçirib.
“Operativ Məlumat Mərkəzi-OMM” xəbər verir ki, bu barədə "TOLO News" telekanalı məlumat yayıb.
Bildirilib ki, zərbələr Kabil, eləcə də Qəndəhar, Paktiya və Paktika əyalətlərində yerləşən hədəflərə endirilib.
Əfqanıstan hökumətinin sözçüsü Zəbihullah Mücahid bildirib ki, bombardmanlar nəticəsində mülki şəxslər həlak olub, lakin itkilərin dəqiq sayı açıqlanmayıb.
Qeyd edək ki, İslamabad Kabili Pakistanda hücumlar həyata keçirən yaraqlılara sığınacaq verməkdə ittiham edir. Əfqanıstanda hakimiyyətdə olan Taliban isə bu iddiaları rədd edir.
