"İnter" və "Atalanta" hücumçu Ademola Lookmanın transferi ilə bağlı danışıqlara başlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, milanlılar Berqamo klubuna 40 milyon avro təklif etsə də, "Atalanta" ən azı 50 milyon avro istəyir.
Lookman bu yay komandasını dəyişmək istədiyini açıqlasa da, Berqamo klubu "İnter"in və ya İtaliya A Seriyasının hər hansı digər klubu üçün qiyməti aşağı salmaq niyyətində deyil.
Ötən mövsüm forvard 40 matçda 20 qol vurub, 7 məhsuldar ötürmə edib.
