İraqın Ərbil bölgəsində beynəlxalq koalisiya qüvvələrinin istifadə etdiyi hərbi bazaya silahlı hücum təşkil edilib.
"Operativ Məlumat Mərkəzi-OMM" xəbər verir ki, Fransa Prezidenti Emmanuel Makron hücum nəticəsində bir fransız hərbçisinin həyatını itirdiyini rəsmən təsdiqləyib.
O, bu hadisəni "qəbulolunmaz" adlandıraraq, fransız hərbçilərinin bölgədə 2015-ci ildən bəri yalnız terrorizmlə mübarizə məqsədilə fəaliyyət göstərdiyini vurğulayıb.
Həlak olan hərbçinin "7-ci Alp Ovçu Taburu"nun baş giziri Arno Frion olduğu bildirilir.
Hadisə zamanı bazada digər ölkələrin, o cümlədən İtaliyanın hərbi personalı da olub.
Ərbil Valiliyindən verilən məlumata görə, hücum nəticəsində 5 nəfər yüngül xəsarət alıb. Yaralılardan dördü xəstəxanaya yerləşdirilib.
Müşahidəçilər hücumun arxasında İranpərəst şiə qruplaşmalarının dayandığını ehtimal edirlər.
