Əmək və Əhalinin Sosial Müdafiəsi Nazirliyinin tabeliyində fəaliyyət göstərən Dövlət Sosial Müdafiə Fondu (DSMF) fevralın 13-də pensiyaların ödənişinə başlayacaq. "Operativ Məlumat Mərkəzi-OMM"-in məlumatına görə, bu barədə nazirlik rəsmi açıqlama yayıb.
Cari ilin əvvəlindən tətbiq edilən 9,3 faiz indeksasiya nəticəsində artırılmış məbləğlər bu ay hesablara köçürüləcək. Pensiyaçılar fevral ayının artımı ilə yanaşı, yanvar ayının artım fərqini də bu ödənişlə birlikdə əldə edəcəklər.
Təsdiqlənmiş qrafikə əsasən, həmin tarixdə Bakı, Sumqayıt şəhərləri və Abşeron rayonu üzrə pensiyalar ödəniləcək. Respublikanın digər bölgələri və güzəştli şərtlərlə pensiya hüququ olan şəxslərin ödənişləri də bu ayın qrafikinə uyğun şəkildə davam etdiriləcək.
