"Artemis" missiyası Ayın ətrafında dövr edərək Yerə qayıdır

"Artemis" kosmik missiyası Ayın ətrafında dövr etdikdən sonra gəmini yenidən Yerə doğru yönəldib.

"Operativ Məlumat Mərkəzi-OMM" xəbər verir ki, bu barədə "Associated Press" agentliyi məlumat yayıb.

Amerikanın "Artemis II" kosmik heyətinin Aya uçuşu 1969-cu ildəki "Apollo-11" missiyasından sonra ilk dəfə baş tutub.

Yeni gəmi Yerdən təxminən 407 min km uzaqlaşaraq, 1970-ci ildə "Apollo-13" gəmisinin müəyyən etdiyi rekordu (400 min km) yeniləyib.

Bu uçuşun təcrübəsini nəzərə alaraq, NASA yaxın iki il ərzində astronavtları Ayın Cənub qütbünə endirməyi planlaşdırır.

Üç amerikalı və bir kanadalıdan ibarət heyət uçuş zamanı Ayın səthində "Apollo-12" və "Apollo-14" missiyalarının eniş yerlərini müşahidə ediblər.

• Astronavtlar Aya 6,5 min km məsafəyə qədər yaxınlaşıb və yüksək dəqiqlikli kameralarla səthin şəkillərini çəkiblər.
• Ay ətrafında dövrə 7 saat davam edib.
• Ümumi uçuş 10 gün çəkəcək.

Qeyd edək ki, kosmonavtlar aprelin 1-də Kanaveral burnundan yola düşüblər və aprelin 10-da Sakit okeana eniş edərək Yerə qayıdacaqlar.