Londonun "Arsenal" klubu "Zenit"in hücumameyilli yarımmüdafiəçisi Malkomu yay transfer pəncərəsində hədəflərdən biri kimi müəyyənləşdirib.
"Operativ Məlumat Mərkəzi-OMM" xəbər verir ki, bu barədə jurnalist Pedro Almeyda məlumat yayıb.
Qeyd edilib ki, daha əvvəl 26 yaşlı braziliyalı futbolçu ilə PSJ-nin maraq dairəsinə düşmüşdü.
Qışda Sankt-Peterburq klubunun baş direktoru Aleksandr Medvedev parislilərin nümayəndələri ilə danışıqlar faktını təsdiqləsə də, tərəflər sövdələşmənin şərtləri ilə bağlı kompromis əldə edə bilməyiblər.