Ermənistanın Baş naziri Nikol Paşinyan iyunun 1-də Rusiya Prezidenti Vladimir Putinlə baş tutan telefon danışığını müsbət xarakterizə edib. Ermənistan mətbuatına istinadən verilən məlumata görə, Paşinyan söhbət zamanı Rusiya liderinə ad günü təbriki üçün təşəkkürünü bildirib.
Nikol Paşinyan danışıqla bağlı bunları deyib:
- “Dünən Rusiya prezidenti ilə danışdım və zəng üçün ona təşəkkür etdim. O, ad günümü təbrik etdi. Cari işləri müzakirə etdik və müsbət söhbət etdik. Düşünürəm ki, bu kontekstdə ən yaxşı addım bütün məhdudiyyətlərdən imtina etmək olardı”.
Qeyd edək ki, ötən gün Vladimir Putin və Nikol Paşinyan mayın 29-da Astanada keçirilən Ali Avrasiya İqtisadi Şurasının iclasının nəticələrini nəzərdən keçiriblər. Tərəflər, həmçinin ikitərəfli və çoxtərəfli gündəlikdə duran məsələlər ətrafında fikir mübadiləsi aparıblar.
