Ermənistanın Baş naziri Nikol Paşinyan Böyük Britaniyanın yeni Baş naziri Endi Bernemi vəzifəyə başlaması münasibətilə təbrik edib.
“Operativ Məlumat Mərkəzi-OMM” xəbər verir ki, Paşinyan bununla bağlı "X" sosial şəbəkəsində paylaşım edərək, Bernemə fəaliyyətində uğurlar arzulayıb.
Məlumata görə, Ermənistanın hökumət başçısı iki ölkə arasında strateji tərəfdaşlığın daha da inkişaf etdirilməsi və xalqlar arasında dostluq əlaqələrinin möhkəmləndirilməsi istiqamətində yeni Baş nazirlə sıx əməkdaşlıq etməyə hazır olduqlarını bildirib.
Eyni zamanda, Ermənistanın xarici işlər naziri Ararat Mirzoyan da Böyük Britaniyanın yeni xarici işlər naziri Ed Milibəndi vəzifəyə təyin olunması münasibətilə təbrik edib. Mirzoyan ortaq prioritetlər üzrə əməkdaşlığın genişləndirilməsi və strateji tərəfdaşlığın gücləndirilməsi üçün birgə işləməyə hazır olduqlarını vurğulayıb.
Qeyd edək ki, Leyboristlər Partiyasının lideri Endi Bernem iyulun 20-də Böyük Britaniyanın Baş naziri vəzifəsinin icrasına başlayıb. Bundan əvvəl Kral III Çarlz iyunun 22-də Kir Starmerin istefasını qəbul etmişdi.
