Argentinanın Buenos-Ayres şəhərinin ətraf ərazilərində və eyniadlı vilayətin bir sıra şəhərlərində güclü yağışların səbəb olduğu daşqınlar nəticəsində 7 mindən çox insan təxliyə olunub.
"Operativ Məlumat Mərkəzi-OMM" xəbər verir ki, bu barədə “La Nación” qəzeti regional hakimiyyət orqanlarına istinadla məlumat yayıb.
Məlumata görə, hazırda 3 nəfər itkin düşmüş hesab olunur. Bəzi sakinlər təhlükəli zonanı öz təşəbbüsləri ilə tərk ediblər.