Aprel ayının pensiyaları üzrə ilk ödənişlər həyata keçirilib. Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu bu gün Bakı və Sumqayıt şəhərləri, həmçinin Abşeron rayonu üzrə pensiyaları ödəyib.
“Operativ Məlumat Mərkəzi-OMM” xəbər verir ki, bu barədə nazirlik rəsmi məlumat yayıb.
Paralel olaraq, Naxçıvan Muxtar Respublikasının Əmək və Əhalinin Sosial Müdafiəsi Nazirliyinin tabeliyindəki Dövlət Sosial Müdafiə Fondu tərəfindən də muxtar respublika üzrə bu ayın pensiya ödənişi tam yekunlaşıb.
Digər bölgələr üzrə, habelə güzəştli şərtlərlə pensiya hüququna malik şəxslərin aprel ayı üzrə pensiyaları da bu ay təsdiqlənmiş qrafik üzrə ödəniləcək.
