Almaniyanın keçmiş kansleri Angela Merkel hesab edir ki, ABŞ lideri Donald Tramp siyasətdə daşınmaz əmlak sahibkarı kimi fəaliyyət göstərir və yalnız bir tərəfin qələbə qazanmasını istəyir.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
“O, çətin tərəfdaşdır, siyasətdə yalnız bir tərəfin deyil, hər iki tərəfin qalib gələ biləcəyini təsəvvür edə bilmir”, - Merkel bildirib.
“Bu, onun daşınmaz əmlak sahibkarı kimi karyerası ilə əlaqəli ola bilər, çünki onun üçün qayda belədir - yalnız biri torpaq sahəsi ala bilər. Əgər digəri onu əldə edərsə, mən uduzmuşam. Bu, Trampı da siyasətdə istiqamətləndirən şüardır”, - keçmiş kansler vurğulayıb.
Merkelin sözlərinə görə, bu, hər kəsin onlardan faydalandığı fikrinə əsaslanan çoxtərəfli təşkilatlara qarşı mütləq şübhə nümayiş etdirir.
ABŞ ilə münasibətlərə toxunan keçmiş kansler qeyd edib ki, artıq əvvəlki kimi ortaq dəyərlərə etibar edə bilmərik:
"Bu, əvvəllər Qərb adlandırdığımız birliyi əhəmiyyətli dərəcədə zəiflədir".
