"Real Madrid"in baş məşqçisi Karlo Ançelotti Sandro Tonali və Nikolo Faqiolinin idman mərc oyunlarına olan həvəsini şərh edib.
"Operativ Məlumat Mərkəzi-OMM" xəbər verir ki, Ançelotti bu barədə AS nəşrinə müsahibə verib.
“Onlar ciddi səhv etdilər, bu uşaqlar yaxşı deyillər, onlara kömək lazımdır. Qumar bir xəstəlikdir. Onlar mərc oynamağın qadağan olunduğu unudublar. Bu sadədir. İşinə sadiq olan hər kəs bu qaydanı mükəmməl başa düşür”.
Qeyd edək ki, Nikolo Facioli, Federiko Qatti (hər ikisi "Yuventus"), Nikolo Zanyolo ("Aston Villa", İngiltərə), Sandro Tonali ("Nyukasl", İngiltərə), Alessandro Florentsi ("Milan"), Nikolo Zalevski, Canluka Mançini, Feliks Ofena-Qyan (hamısı "Roma"), Mattia Cakkani, Manuel Lazzari, Nikolo Rovella, Luka Pelleqrini (hamısı "Latsio"), Domeniko Berardi ("Sassuolo"), Nikolo Barella, Davide Frattesi (hər ikisi "İnter"), Luka Zanimaççia ("Kremoneze"), Antonio Qallodur ("Leççe") qanunsuz mərc oyunlarında iştirakda ittiham olunublar.
