Afət Ziyadqızı
Almaniyalı fermerlər subsidiyaların götürülməsinə etiraz olaraq Hannoverdə NDR televiziya və radio yayımları şirkətinin girişlərini və dayanacaqlarını bağlayıblar.
"Operativ Məlumat Mərkəzi-OMM" xəbər verir ki, bu barədə "Bild" məlumat yayıb.
“30-dan çox traktor və 20 digər nəqliyyat vasitəsi televiziya və radio şirkətinin girişlərini, eləcə də dayanacaqlarını bağlayıb”, - məlumatda qeyd edilib.
Bildirilib ki, təşkilatçılar fermerlərin nümayişlərinin kifayət qədər işıqlandırılmamasını tənqid edir və fermerlər üçün yanacaq subsidiyalarının azaldılmasını ehtiva edən dövlət büdcəsi maddəsinin ləğvini tələb edirlər.
