Almaniyanın Şimali Reyn-Vestfaliya əyalətində dövlət işçiləri ötən gecə "24 saatlıq xəbərdarlıq tətili"nə başlayıb.
"Operativ Məlumat Mərkəzi-OMM" xarici mediaya istinadən xəbər verir ki, əyalətin iki böyük hava limanında 325-dən çox uçuş ləğv edilib.
Əyalətdə hava limanları, bələdiyyə xəstəxanaları, zibil toplama mərkəzləri kimi ictimai həyatın bir çox sahələrində "24 saatlıq xəbərdarlıq tətili" keçirilib.
Bu tətillərlə yanaşı, gün ərzində bir neçə etiraz aksiyasının keçirilməsinin planlaşdırılıdığı bildirilib.
Aksiyaya səbəb işəgötürənlər federal və yerli hökumətlərdə çalışanlar üçün əmək haqqının 5 faiz artırılması və bir dəfəyə cəmi 2500 avro təklif etsələr də, həmkarlar ittifaqları bu təklifi qeyri-kafi sayaraq rədd etməsi olub. Həmkarlar ittifaqları əmək haqqının 10,5 faiz artırılmasını və ya hər ay ən azı 500 avro əlavə pulun verilməsini tələb edirlər.