Almaniya kansleri Olaf Şolz gələn il ölkəsinin büdcəsində vətəndaşlar və şirkətlər üçün qənaət qərarlarının olacağını bəyan edib.
"Operativ Məlumat Mərkəzi-OMM" xəbər verir ki, bu barədə xarici KİV məlumat verib.
Almaniyanın son zamanlarda COVID-19 epidemiyası, Ukraynadakı müharibənin iqtisadiyyata təsiri və artan enerji qiymətləri ilə mübarizə apardığını vurğulayan Şolz, enerji qiymətlərinin gözlənilmədən artması halında tez bir zamanda əks tədbirlər görəcəyini vəd edib.
Şolz hökumətinin 2024-cü il büdcəsini mümkün qədər tez hazırlamaq üçün parlamentlə birlikdə çalışdığını və bunun vətəndaşlar və şirkətlər üçün qənaət qərarlarını ehtiva edə biləcəyini izah edib və yarımkeçiricilər kimi vacib sektorları dəstəkləyəcəyini söyləyib.