İranın Milli Təhlükəsizlik Ali Şurasının katibi Əli Laricani diplomatik məsləhətləşmələr çərçivəsində Omana səfər etməyə hazırlaşır.
"Operativ Məlumat Mərkəzi-OMM" “Mehr” agentliyinə istinadən xəbər verir ki, bu barədə məlumatı Oman Jurnalistlər Assosiasiyasının Direktorlar Şurasının sədri Məhəmməd Əl-Araimi paylaşıb.
Məlumata görə, səfərin əsas məqsədi İranın nüvə danışıqları ilə bağlı rəsmi mövqeyini qarşı tərəfə çatdırmaqdır.
Oman rəsmisi qeyd edib ki, yüksək səviyyəli bu səfər regionda davam edən diplomatik proseslərin tərkib hissəsidir.
Səfər çərçivəsində nüvə proqramı üzrə müzakirələrin bərpası nəzərdə tutulur. Oman tərəfi İran və Qərb arasında vasitəçilik missiyasını davam etdirir. Hələlik İranın rəsmi qurumları tərəfindən səfərin dəqiq tarixi barədə rəsmi açıqlama verilməyib.
