"Alberto" qasırğası Meksikanı vurub, ölənlər var

Meksikanın körfəzi sahillərində təsirli olan tropik "Alberto" qasırğasında 3 nəfərin öldüyü açıqlanıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Belə ki, Meksikadan 217 km şərqdə yerləşən Tampiko limanında təsirli olan tropik fırtınada küləyin sürəti saatda 80 kilometrə çatıb. ABŞ Milli Qasırğa Mərkəzinin öz açıqlamasında qasırğanın təsirinin arta biləcəyi barədə xəbərdarlıq edib.

“Alberto” tropik qasırğasının günün axşam saatlarında Meksikanın Tamaulipas ştatında, ABŞ-ın Texas ştatının cənubunda təsirlənəcəyi gözlənilir. Fırtına ilə əlaqədar rayonda güclü yağış və külək, eləcə də daşqınlar gözlənilir. Milli Su Komissiyası (CONAGUA) bölgə əhalisini çay sularının qalxması, sürüşmə və daşqın ehtimalı barədə xəbərdarlıq edib.