Xəbər verdiyimiz kimi, dekabrın 12-dən başlayan və 138 gün davam edən eko-aksiya bir neçə gündür ki, müvəqqəti dayandırılıb. Aksiya yenidən başlaya bilərmi? 

Azərbaycan Könüllü Təşkilatları İttifaqının sədr müavini Kamran Əliyev "Operativ Məlumat Mərkəzi-OMM"-ə açıqlamasında bildirib ki, aksiyanın yenidən bərpa hüququnu özümüzdə saxlamaqla müvəqqəti dayandırmışıq.

“Bəyannamədə qeyd olunduğu kimi, etiraz aksiyası bizim qoyduğumuz tələblərin qismən təmin olunması səbəbilə müvvəqəti olaraq dayandırıldı. Yəni, yenidən bərpa hüqüqunu özümüzdə saxlamaqla. Qismən dedikdə bizim nəzərdə tutduğumuz bir çox məqamlar var. Bu, istər həmin ərazilərdə ekoloji istismarın və dediyimiz kimi, qızıl yataqlarının  işlənməsinin müvəqqəti dayandırılmasının elanının verilməsi idi. Daha sonra bəzi şəxslərin geri çağrılması – vəzifəsindən azad edilməsi, eyni zamanda Azərbaycan Sərhəd Qoşunları tərəfindən Laçın-Xankəndi yolunun başlanğıcında - Həkəri çayı üzərində yerləşən körpüdə nəzarət-buraxılış məntəqəsinin qurulması, ərazilərdə yoxlama prosesinin dövlətimiz tərəfindən şəffaf və beynəlxalq prinsiplərə uyğun aparıldığını biz bildikdən sonra qismən tələblərimizin yerinə yetirildiyi qənaətinə gəldik. Aksiya təşkilatçıları və iştirakçıları olaraq biz bəyan etdik ki, hər hansı bu tipli və bundan öncə baş verən proseslərin baş vermə ehtimalı və ya ümumiyyətlə hər hansı zidiyyətli məqam yaranarsa, biz aksiyanın yenidən bərpası hüququnu öz üzərimizdə saxlayırıq. Aksiya keçirilən ərazi hazırda Daxili Qoşunlar və Azərbaycan polis heyətinin nəzarəti altındadır. Düşünmürəm ki, hər hansı bir problem ola bilər". 

Mədinə Useynova 

Quru Qoşunlarının 2024-cü il üçün hazırlıq planına əsasən, artilleriya bölmələri ilə döyüş atışlı taktiki təlim keçirilir.

"Operativ Məlumat Mərkəzi-OMM" Müdafiə Nazirliyinə istinadən xəbər verir ki, təlimin planına uyğun olaraq, daimi dislokasiya məntəqələrindən cəmləşmə rayonlarına çıxarılan bölmələr atəş mövqelərinin tutulması, qurğuların döyüş tətbiqinə hazırlanması üzrə tapşırıqları yerinə yetiriblər.
Həmçinin silahlanmada olan universal radiolokasiya komplekslərindən və pilotsuz uçuş aparatlarından istifadə etməklə şərti düşmən fəaliyyətinin izlənilməsi, ona məxsus artilleriya vasitələri ilə mübarizənin aparılması, eləcə də hava kəşfiyyat cihazlarının aşkar edilərək xüsusi texniki vasitələrlə endirilməsi üzrə tapşırıqlar da müvəffəqiyyətlə icra olunub.
Təlimin keçirilməsində əsas diqqət hərbi qulluqçuların bilik və bacarıqlarının artırılmasına, komandir heyətinin artilleriya bölmələrinin idarəedilməsi vərdişlərinin təkmilləşdirilməsinə, döyüş əməliyyatları zamanı digər qoşun növləri ilə qarşılıqlı əlaqənin təşkilinə yönəldilib.

Azərbaycan respublikasında gələn ay baş tutacaq prezident seçkiləri ölkəmizin tarixində öz xüsusi əhəmiyyəti ilə seçilir. 

Bu fikirləri "Operativ Məlumat Mərkəzi-OMM"-ə müsahibəsində millət vəkili Tural Gəncəliyev bildirib.

Biz bunu dəfələrlə qeyd etmişik Azərbaycanın ilk seçkiləridir ki, bütün torpaqlarımız üzərində suverenliyimiz bərpa edildikdən sonra Qarabağ da daxil olmaqla, hər bir şəhələrimizdə, qəsəbələrimizdə bu seçki keçirilir. 

"Mən Xankəndi şəhərini təmsil edən millət vəkili olaraq çox xoşbəxtəm ki, artıq seçkilər Xankəndi şəhərində təşkil edilmiş seçki dairəsi üzrə keçiriləcək. Orada hazırda yaşayan, fəaliyyət göstərən insanlar məhz yerindəcə səs vermək hüququnu əldə edəcəklər. Çox önəmli və şərəfli tarixi prosesləri yaşayırıq. Bu seçkilər dünyaya yeni bir reallıq sərgiləmiş Azərbaycanın seçkiləridir. Artıq Azərbaycan əvvəlki Azərbaycan deyil, dünya səviyyəsində öz sözünü deyən regional və qlobal məsələlərlə öz mövqeyini, milli maraqlarını qoruyan güclü bir Azərbaycandır".

"Əminəm ki, bütün Azərbaycan xalqı öz konstitusiya hüququndan istifadə edərək ölkəmizi yeni Azərbaycan dediyimiz parlaq gələcəyə aparan seçkilərdə iştirak edərək, səs verəcəkdir! ",- deyə millət vəkili bildirib.

"Azərbaycan, artıq növbədənkənar prezident seçkilərinə də qalib tərəf kimi gedir".

Bu fikirləri "Operativ Məlumat Mərkəzi-OMM"-ə müsahibəsində politoloq Tural İsmayılov bildirib.

"Azərbaycan artıq qalib tərəf kimi regionda geniş şərtlər yaradır. Yeni şərtləri diqtə edən tərəfdir. Əlbəttə ki, qələbə qazanan bir ölkə kimi qalib diqtəsi yaradan Azərbaycan, artıq növbədənkənar prezident seçkilərinə də qalib tərəf kimi gedir və nəzərə almaq lazımdır ki, məhz Azərbaycanın ərazi bütövlüyü və suverenliyinin bərpasından sonra növbədənkənar prezident seçkilərinə gedilir. İlham Əliyev 2018-ci il seçkilərində də özünün və qarşısında duran əsas hədəfləri elan etmişdir və prezident seçildikdən sonra çox həssas və gərgin 2020-ci ildə qlobal pandemiyanın dünyanı cənginə aldığı bir vaxtda məhz prezident İlham Əliyev liderliyi ilə Azərbaycan öz torpaqlarını işğaldan azad etdi. Daha sonra isə 2023-cü ildə Azərbaycan lokal antiterror tədbirləri ilə suverenliyini tam bərpa etdi. Bundan sonra artıq ölkədə yeni reallıqlar yaranıb. 

Ölkənin regionda yeni reallıqların formalaşmasında rolu artıb və müstəqil Azərbaycanın tarixində bütün ölkə ərazisində bu seçkilər keçiriləcək. Nəzərə almaq lazımdır ki, bu seçkilər həm də ərazi bütövlüyümüzün və suverenliyimizin təsbiti deməkdir. Artıq torpaqları işğalda olmayan bir ölkədə prezident seçkiləri keçirilir. Prezident seçkiləri 2025-ci ildə olacaqdı. Ancaq dediyim kimi, artıq bu qələbədən sonra yeni reallıqlar formalaşıb, eyni zamanda bu reallıqların fonunda Azərbaycanın baxışı idarəetmə modeli ilə bağlı islahatlar həyata keçirilir. Qarşıda dövlətimizin böyük hədəfləri var və bu konteksdə növbədənkənar prezident seçkilərinin tarixi əhəmiyyəti olacaq".

Cənab Prezident çıxışında Azərbaycandan Azərbaycana keçiddə heç bir yoxlama olmayacağı fikrini bildirdi. Əsas məsələ budur ki, həm Naxçıvan eyni zamanda Azərbaycanın digər bölgələri arasında ermənilər çalışırdılar ki, Qarabağ məsələsi də başlayanda bu quru sərhədlər yoxa çıxsın. Bu gün artıq Zəngəzur dəhlizinin açılması, məhz həmin quru sərhəddin də, quru yolun da açılması deməkdir. 

Bu fikirləri "Operativ Məlumat Mərkəzi-OMM"-ə müsahibəsində millət vəkili Arzu Nağıyev bildirib.

Bunun ən yaxşı çıxış yolu məlum məsələdir ki, digər dövlətlərin ərazisindən deyil, birbaşa Zəngəzur dəhlizi, məhz dəhliz vasitəsilə bu yolun keçməsidir. Yəni, başqa cür ola da bilməz. Çünki bu tək Ermənistanın və yaxud digər dövlətlərin istəyi deyil, bu dünya miqyasında elə bir yoldur ki, logistik daşımalarda istər region, istərsə də digər dövlətlər üçün çox mühüm əhəmiyyət kəsb edir. Məhz buna görə də Cənab Prezidentin dediyi həmin məsələ çox mühüm məsələdir və ermənilər də bundan özləri üçün nəticə çıxarmalıdır.

“Bu, tək Azərbaycan üçün önəm kəsb etmir, hətta Ermənistanın özü tənəzzülə uğramış iqtisadiyyatını vəziyyətdən çıxarmaq üçün bu yolun açılmasında maraqlı olmalıdır”,- deyə millət vəkili bildirib.

Bir neçə gün öncə Türkiyə tərəfi də belə bir açıqlama yaydı ki, artıq müsbət siqnallar var. Ermənilər dərk edir ki, tək İran və Gürcüstan vasitəsilə çıxışlar deyil, eyni zamanda bu yol vasitəsilə onlar öz yüklərini də, eyni zamanda daşımaların da Avropaya çatdırmaq imkanına malikdirlər. Yəni həm Türkiyə sərhədinin, həm də Zəngəzur dəhlizinin açılması müsbət bir haldır. Azərbaycan daima bunun tərəfindədir. Düşünürəm ki, bu yol mütləq şəkildə açılmalıdır və açılacaqdır.

BMT-nin İqlim Dəyişikliyi üzrə Konfransının 29-cu sessiyasının (COP29) Bakıda keçirilməsi qərarı Azərbaycan üçün müasir tariximiz, diplomatik münasibətlər, qlobal təşkilatlarda təmsilçilik baxımından çox önəmli və əhəmiyyətli hadisədir.

Bu fikirləri "Operativ Məlumat Mərkəzi-OMM"-ə müsahibəsində millət vəkili Tural Gəncəliyev bildirib.

"Azərbaycan bildiyimiz kimi Şərqi Avropa qrupundan seçilmişdir. Bu kompromis əsasında Azərbaycanın namizədliyi dəstəklənmişdir. Hətta Ermənistan belə Azərbaycanın xeyrinə öz namizədliyini geri götürmüşdür və beləliklə də yekdilliklə Azərbaycanda 2024-cü il BMT-nin İqlim Dəyişikliyi ilə bağlı Konfransının 29-cu sessiyasının keçirilməsi qərara alınmışdır.

İlk dəfə olaraq Şərqi Avropa qrupunu təmsil edəcək ölkə olaraq Azərbaycan Avropa İttifaqının üzvü olmayan bir ölkə kimi bu konfransı keçirəcək. Biz bu konfransın keçirilməsi tarixinə baxsaq, Avropada İspaniya, İtaliya, Almaniya, Fransa və İngiltərə kimi ölkələrdə keçirilmişdir və həmişə də demək olar ki, Avropa İttifaqı üzvlərinin öhdəsinə düşübdür. Bu dəfə yeni bir coğrafiya MDB məkanında, Avrasiya məkanında, Türk dünyasında ilk dəfə olaraq Azərbaycanda keçiriləcək. 

Hazırkı müasir qlobal məsələlərdə iqlim dəyişikliyi, ətraf mühit məsələləri çox önəmli rol oynayır. Beynəlxalq təşkilatlar, dünya ictimaiyyəti bu məsələyə həssas yanaşır. Biz bu tədbirin keçirilməsi ilə həm bu mövzu kontekstində öz mövqeyimizi bildirəcəyik, həm də Azərbaycanın qlobal təşkilatlarda nüfuzunu artırmaq baxımından çox önəmlidir. İmicimizin gücləndirilməsi, dünyada Azərbaycanın stabil güclü bir tərəfdaş olması baxımından önəmlidir və yumuşaq güc dediyimiz alət kimi istifadə olunmalı və Azərbaycanın daha da tanıdılması, güclü bir ölkə kimi təqdim edilməsi baxımından əhəmiyyətlidir. Bu hadisə ilə bağlı 10 minlərlə insanlar bu tədbirdə iştirak etmək üçün Azərbaycana gələcəklər.

Son zamanlar Azərbaycanın əldə etdiyi uğurlu tədbirlərin, addımların siyahısına baxsaq, ölkəmiz bir neçə illər bundan öncə BMT-nin Təhlükəsizlik Şurasının qeyri-daimi üzvü seçilmişdir. Azərbaycan ilk dəfə olaraq Qoşulmama Hərəkatına sədrlik etdiyi dövrdə Qoşulmama Hərəkatının ən uğurlu və ən yaddaqalan dönəmi kimi tarixə düşdü. Nəhayət belə bir İqlim Dəyişikliyi ilə bağlı COP29-cu sessiyasının Azərbaycanda keçirilməsi çox əhəmiyyətli hadisə kimi tariximizə düşəcək".