Avqustun 16-da Kanadanın ən böyük aviaşirkəti "Air Canada"da stüardessaların tətili 500 minə yaxın sərnişinə təsir edib.
"Operativ Məlumat Mərkəzi-OMM" xəbər verir ki, bu barədə "The Globe and Mail" nəşri məlumat yayıb.
Qəzet yazır ki, uçuşların ləğvi avqustun 14-də, stüardessalar həmkarlar ittifaqı ilə aviaşirkət rəhbərliyi arasında danışıqlar nəticəsiz qaldıqdan sonra başlayıb.
Tətilin ilk günündə Kanadanın İşlər və Ailələr naziri Patty Hajdu ölkənin Əmək Münasibətləri Şurasına vəziyyətə müdaxilə etməyi tapşırıb.
Nazir həmkarlar ittifaqını avqustun 17-dən etibarən tətili dayandırmağa və tərəflərin yeni razılaşma əldə olunana qədər mübahisəni danışıqlar yolu ilə davam etdirməsinə çağırıb.
Lakin ittifaq bu tələbləri yerinə yetirməkdən imtina edib.
