Avropa İttifaqı (Aİ) sərmayələri artırmaq və kapital bazarını yaxşılaşdırmaq üçün vergi tutulması sistemini dəyişməyə hazırlaşır.
"Operativ Məlumat Mərkəzi-OMM" xarici mediya istinadən xəbər verir ki, müvafiq olaraq Aİ rəqəmsal vergi idarəsinin birgə sertifikatı hazırlanacaq. Bu sertifikatla vergi tutmalarının azaldılması əməliyyatları daha sürətli və səmərəli həyata keçiriləcək.
Müxtəlif Aİ ölkələrində investisiya portfeli olan şəxslər eyni təqvim ili ərzində bir neçə gəliri geri almaq üçün yalnız bir rəqəmsal vergi rezidentliyi sertifikatından istifadə edəcəklər.
Aİ ölkələri arasında fərqli olan vergi tutma prosedurları standartlaşdırılacaq. Üzv ölkələr iki vergi tutma sistemi arasında seçim edəcəklər.
Yeni tutulan vergi sistemi ədalətli vergitutmanı təşviq edəcək, vergidən yayınmaya qarşı mübarizəni gücləndirəcək və Aİ ölkələrində investisiyaları dəstəkləyəcək.
Yeni qaydaların üzv dövlətlərin təsdiqindən sonra 2027-ci ilin əvvəlində qüvvəyə minməsi gözlənilir.
