Ağ Evin sözçüsü Karolin Livit prezident Donald Trampın Rusiya və Ukraynanın eyni masa arxasında oturmasını istədiyini deyib və müharibənin bitməli olduğunu vurğulayıb.
"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.
"Prezident iki liderin və iki tərəfin bir masa arxasına oturmasını istəyir və biz prezident Trampın təkidi ilə bunu bu gün etdiklərini gördük",- deyə o vurğulayıb.
Ukraynanın Rusiyaya qarşı pilotsuz təyyarə hücumuna reaksiyası ilə bağlı suala Livit, "bu müharibənin indi bitməsi lazımdır. Bu müharibə hər iki tərəf üçün amansız olub və çoxlu insan həyatını itirib. Prezident bu müharibənin danışıqlar masası arxasında bitməsini istəyir" deyib.
