Ağ Evin mətbuat katibinin müavini Endryu Beyts "X" sosial media platformasının sahibi İlon Maskın yəhudilərlə bağlı paylaşımına münasibət bildirib.
"Operativ Məlumat Mərkəzi-OMM" xəbər verir ki, bu barədə "New York Times" nəşri məlumat yayıb.
Belə ki, "X" platformasında bir istifadəçi,-"Yəhudilər, insanlardan özlərinə qarşı istifadə etməmələrini istədikləri nifrəti ağdərililərə qarşı istifadə edirlər",-deyə paylaşım edib. Mask sözügedən paylaşıma cavab olaraq,- "Doğrunu bildirdin",- deyə şərh yazıb.
İnsanları nifrətə qarşı bir araya gətirməyin hər kəsin vəzifəsi olduğunu qeyd edən Beyts, "Antisemitizm və irqçi nifrətin iyrənc təbliğatını ən şiddətli şəkildə qınayırıq və bunu pisləməyə davam edəcəyik",- deyə bildirib.
