Rusiya ilə düşmənçiliyin necə inkişaf etməsindən asılı olmayaraq, ABŞ Kiyevi dəstəkləməyə davam edəcək.

"Operativ Məlumat Mərkəzi-OMM" xəbər verir ki, bu barədə ABŞ Milli Təhlükəsizlik Şurasının strateji kommunikasiyalar üzrə koordinatoru Con Kirbiyə istinadən yazır.

Kirbi brifinqdə deyib: “Bu müharibənin nə vaxt bitməsindən, necə bitməsindən asılı olmayaraq, Ukraynanın hələ də Rusiya ilə uzun sərhədi və qanuni təhlükəsizlik ehtiyacları olacaq”.

Misirdə mikroavtobusun Qahirənin şimalında Nil çayına düşməsi nəticəsində azı on qadın ölüb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Səhiyyə Nazirliyi bildirib ki, 9 sərnişinin hamısı müalicə olunmaq üçün yaxınlıqdakı xəstəxanalara aparılıb. Hadisə ilə bağlı araşdırmaya başlanılıb və mikroavtobusun texniki ekspertizası təyin edilib.

İtaliyada taksi sürücüləri öz bizneslərini taksi və şəxsi nəqliyyat xidmətləri üçün icarə lisenziyalarının qanunsuz istifadəsinə qarşı müdafiə etmək və sənayelərini transmilli şirkətlərin təsirindən qorumaq üçün ümumi tətil keçiriblər.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Tətil çərçivəsində bir qrup taksi sürücüsü Romada Baş nazirliyin yaxınlığındakı San Silvestro meydanına toplaşıb. Taksi sürücüləri Giorgia Meloni başçılıq etdiyi sağçı koalisiya hökumətini öz sektorlarındakı problemləri dinləməyə və sektora bəzi qaydalar gətirməyə çağırıblar.

Bəzi nümayişçilərin vaxtaşırı səs bombaları və məşəl yandırdıqları görülüb. Taksi sürücülərinin etirazına görə polis Baş nazirliyə gedən yolları bağlayıb və geniş təhlükəsizlik tədbirləri görüb.

İtaliyanın Neapol şəhəri yaxınlığındakı vulkanik bölgə olan Campi Flegreidə ötən gecə qeydə alınan ardıcıl zəlzələlər narahatlıq yaradıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

İtaliya mətbuatında yer alan xəbərdə dünən axşam saat 19.51-23.00 arasında Campi Flegreidə yaşanan təxminən 160 irili-xırdalı zəlzələnin bölgə xalqının narahatlığına səbəb olduğu bildirilib.

Ardıcıl baş verən zəlzələlərin ən böyüyünün 4,4 bal gücündə olduğu və bunun son 40 ildə qeydə alınan ən şiddətli zəlzələ olduğu qeyd edilib. Zəlzələlərdə can və mal itkisi olmadığı halda, bəzi binalarda çatların əmələ gəldiyi, bəzi binaların çöl hissəsindən parçaların düşdüyü bildirilib.

Birləşmiş Millətlər Təşkilatının Baş Katibinin Humanitar Məsələlər üzrə müavini və Təcili Yardım Koordinatorunun müavini Coys Msuya, 2023-cü ildə dünyada münaqişələrdə mülki ölümlərin bir əvvəlki ilə nisbətən 72 faiz artdığını ifadə edərək, BMT-nin son 33 min mülki ölümünü qeyd etdiyini açıqlayıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

BMT Təhlükəsizlik Şurasının mülki şəxslərin müdafiəsini gündəmə gətirməsindən 25 il keçdiyini xatırladan Msuya, münaqişədə mülki şəxslərin müdafiəsinə dair Cenevrə Konvensiyasının 75-ci ildönümü olduğunu da xatırladıb.

Msuya 2023-cü ilin qarşıdurmada olan mülki vətəndaşların qorunması baxımından pis bir il olduğuna diqqət çəkərək, HƏMAS-ın 7 oktyabr hücumu və İsrailin hücumları nəticəsində görünməmiş ölüm, dağıntı və ağrıların yaşandığını qeyd edib.
 

Msuya Qəzzada on minlərlə insanın öldürüldüyünü və "uşaqlara qarşı müharibə"nin başladığını bildirib.

“Müharibə şəraitində olduğumuz üçün mənim prezident kimi səlahiyyət müddətim bitməyib”.

"Operativ Məlumat Mərkəzi-OMM"-in xəbərinə görə, bunu “Reuters“ə müsahibəsində Ukrayna Prezidenti Vladimir Zelenski bildirib. Onun sözlərinə görə, ölkədə hərbi vəziyyət davam etdiyindən hələ də vəzifələrinin icrasını həyata keçirir.

Qeyd edək ki, ölkə konstitusiyasına görə, V. Zelenskinin səlahiyyət müddəti mayın 20-də başa çatıb.