Afrikalı futbolçu "Sabah"dan ayrılıb

Seneqallı futbolçu Abdullaye Ba "Sabah" klubundan ayrılıb.

"Operativ Məlumat Mərkəzi-OMM" xəbər verir ki, 32 yaşlı müdafiəçi bu barədə sosial şəbəkə hesabında bildirib.

Təcrübəli oyunçu müqaviləsinin başa çatdığını vurğulayıb. O, "Sabah"da oynamağın xüsusi an və unikal təcrübə olduğunu yazıb: "Mən evimdəki kimi hiss etdim. Azarkeşlər böyük dəstək verdilər. Kluba təşəkkür edirəm. Həmişə qəlbimdə olacaqsınız".

Qeyd edək ki, Abdullaye Ba 2022-ci ildən "Sabah"ın uğurları üçün çalışıb.