OMM Redaksiyası
Azərbaycan Respublikasının mədəniyyət naziri Adil Kərimli mayın 22-də Beyləqan şəhərində vətəndaşlarla görüş keçirib. Görüşdən öncə nazir və Beyləqan Rayon İcra Hakimiyyətinin başçısı Əziz Əzizov Ümummilli Lider Heydər Əliyevin şəhərdəki abidəsini ziyarət edərək önünə gül dəstələri düzüb, xatirəsini ehtiramla anıblar.
Beyləqan rayon Heydər Əliyev Mərkəzində baş tutan qəbulda Beyləqan, İmişli, Saatlı, Sabirabad və Xocavənd rayonlarının sakinləri iştirak ediblər. Vətəndaşlar əsasən aşağıdakı məsələlərlə bağlı müraciət ediblər:
- Məşğulluq və iş yerinin dəyişdirilməsi;
- Mədəniyyət sahəsini əhatə edən layihələr;
- Müxtəlif təşəbbüslər və digər mövzular.
Nazir Adil Kərimli hər bir vətəndaşın müraciətini diqqətlə dinləyərək, qaldırılan məsələlərin qanunvericiliyə uyğun şəkildə araşdırılması və operativ həlli üçün müvafiq tapşırıqlar verib. Nazirliyin məsul şəxslərinin də iştirak etdiyi qəbul zamanı şəhid ailələrinin və qazilərin müraciətlərinə xüsusi həssaslıqla yanaşılması tapşırılıb.
