Fevralın 18-də Səudiyyə Ərəbistanında ABŞ və Rusiya nümayəndə heyətlərinin Rusiya-Ukrayna münaqişəsinin həllinə həsr olunmuş görüşü keçiriləcək.
"Operativ Məlumat Mərkəzi-OMM" xəbər verir ki, bu barədə “Axios” portalı məlumat yayıb.
Məlumata görə, ABŞ və Rusiyanın yüksək səviyyəli nümayəndələri iki ölkənin prezidentləri Donald Tramp və Vladimir Putin arasında danışıqlara hazırlıq məsələlərini də müzakirə edəcəklər.
ABŞ nümayəndə heyətinə dövlət katibi Marko Rubio, Ağ Evin milli təhlükəsizlik üzrə müşaviri Mayk Vals və ABŞ prezidentinin Yaxın Şərq üzrə xüsusi nümayəndəsi Stiven Vitkoff daxil olacaq.
“The Washington Post”un öz mənbələrinə istinadən verdiyi məlumata görə, Ukrayna prezidenti Vladimir Zelenski və onun ofisinin rəhbəri Andriy Yermak ABŞ və Rusiya arasında Səudiyyə Ərəbistanında keçiriləcək məsləhətləşmələrdə iştirak etməyi planlaşdırmırlar.
