Vaşinqton və Tehranın İranın nüvə proqramının məhdudlaşdırılmasının əsas elementləri ilə bağlı əsaslı şəkildə fərqli baxışları davam edir və bu, qarşılıqlı məqbul razılaşmaların əldə olunmasını çətinləşdirir.
"Operativ Məlumat Mərkəzi-OMM" xəbər verir ki, bu barədə The New York Times (NYT) analitiklərin fikirlərinə istinadən məlumat yayıb.
İddialara görə, İran tərəfi ABŞ-da Barak Obamanın prezidentliyi dövründə imzalanmış uranın zənginləşdirilməsi səviyyəsini və toplanma həcmini məhdudlaşdıran Birgə Hərtərəfli Fəaliyyət Planına yenidən baxılmasında israrlıdır.
ABŞ prezidenti Donald Tramp administrasiyası İranın nüvə infrastrukturunun, raket proqramının ləğv edilməsini və Fələstində HƏMAS hərəkatına və Livanda Hizbullaha dəstəyin dayandırılmasını tələb edir. Tehran öz xarici siyasətini və müdafiə imkanlarını məhdudlaşdırmaq cəhdini qətiyyətlə rədd edir və onun dinc nüvə enerjisini inkişaf etdirmək hüququna malik olduğunu vurğulayır.
