"ABŞ İranın dəniz blokadasını qeyri-müəyyən müddət davam etdirə bilər"

ABŞ-nin müdafiə naziri Pit Heqset Vaşinqtonun İrana tətbiq etdiyi dəniz blokadasını qeyri-müəyyən müddətə davam etdirə biləcəyini açıqlayıb.

“Operativ Məlumat Mərkəzi-OMM” xəbər verir ki, bununla bağlı xarici KİV məlumat yayıb.

Heqset ABŞ Hərbi Dəniz Qüvvələrinin bölgədəki mövcudluğunu növbəli şəkildə davam etdirə biləcəyini bildirib.

“ABŞ Hərbi Dəniz Qüvvələri blokadanı qeyri-müəyyən müddət davam etdirə bilər. Çünki gəmiləri indiyədək etdiyimiz və bundan sonra da edəcəyimiz kimi növbə ilə bölgəyə göndərib geri çəkəcəyik”, - o deyib.

Müdafiə naziri blokadanın konkret vaxt məhdudiyyətinin olmadığını vurğulayaraq, onun lazım olduğu müddətcə davam etdiriləcəyini bildirib.

Heqsetin açıqlaması ABŞ-İran arasında gərginliyin davam etdiyi və Hörmüz boğazında gəmiçiliklə bağlı vəziyyətin daha da mürəkkəbləşdiyi bir vaxtda səslənib.

ABŞ-nin blokadanı uzun müddət davam etdirə biləcəyi barədə açıqlama enerji bazarlarında da narahatlığı artırıb.