Afət Ziyadqızı
ABŞ-nin Tennessi ştatında güclü yağış və daşqınlar baş verib.
"Operativ Məlumat Mərkəzi-OMM" xəbər verir ki, bu barədə Hamilton qraflığının fövqəladə hallar idarəsinin sözçüsü Emi Maksvell Tennessi ştatını təsir edən güclü yağış və daşqınla bağlı açıqlamasında deyib.
Maksvell, yağış zamanı Çattanuqa bölgəsində ağacın avtomobilin üzərinə düşməsi nəticəsində biri uşaq olmaqla üç nəfərin öldüyünü bildirib.
Bölgəyə dəyən zərərin tam ölçüsünün hələ məlum olmadığını qeyd edən Maksvell, səlahiyyətlilərin gün ərzində zərərin qiymətləndirilməsi aparacağını da əlavə edib.
Güclü yağış və daşqın səbəbindən ərazidə fövqəladə vəziyyət elan edilib.
