İranın xarici işlər naziri ABŞ Müdafiə Nazirliyini (Pentaqon) müharibə xərclərini düzgün göstərməməkdə ittiham edib.
"Operativ Məlumat Mərkəzi-OMM" xəbər verir ki, Abbas Əraqçi X sosial şəbəkəsində paylaşım edərək ABŞ-nin müharibə xərclərinin rəsmi rəqəmlərdən daha yüksək olduğunu və 100 milyard dollara çatdığını iddia edib.
O bildirib ki, bu məbləğ açıqlanan göstəricilərdən dörd dəfə çoxdur və “Pentaqon yalan danışır” ifadəsini işlədib. Əraqçi həmçinin qeyd edib ki, ABŞ vergi ödəyiciləri ciddi dolayı xərclərlə üzləşir və hər Amerika ailəsinin aylıq təxminən 500 dollar əlavə yük daşıdığı iddia olunur.
Nazir əlavə edib ki, bu xərclər sürətlə artır və ABŞ ictimaiyyəti üçün maliyyə yükü getdikcə böyüyür.
