İsrailin İrana hücumlarından sonra başlayan münaqişə ucbatından on minlərlə xarici turist İsraildə qalıb.
"Operativ Məlumat Mərkəzi-OMM" xəbər verir ki, bununla bağlı xarici KİV məlumat yayıb.
Bildirilib ki, ölkənin hava məkanının bağlanmasından sonra xaricə getmək istəyənlər yaxtalarla Cənubi Kipr Rum Administrasiyasına (GCASC) keçməyə başlayıblar.
Qeyd olunub ki, İsraildəki 40 minə yaxın xarici turist hava məkanının bağlanması səbəbindən ölkəni tərk edə bilməyib.
Bəzi turistlər dəniz yolu ilə Yunan Kipr Administrasiyasına çatmağa başlayıb, lakin bu səfərlər sayca məhduddur və çox yüksək qiymətlərlə həyata keçirilir.
