“Kiyev rejimi hələ də Kursk vilayətindən zorla Ukrayna ərazisinə aparılmış 31 nəfəri saxlayır və Rusiya tərəfinə əlavə şərt qoyulmadan mümkün qarşılıqlı təhvil üçün öz vətəndaşlarının siyahısını təqdim edib”.
"Operativ Məlumat Mərkəzi-OMM" xəbər verir ki, bu sözləri Rusiyanın İnsan Hüquqları üzrə Müvəkkili Tatyana Moskalkova deyib.
“31 nəfər bizim vətəndaş hazırda Ukraynada saxlanılır. Ukrayna tərəfi qarşılıqlı repatriasiya üçün bizə onların da əlavə şərt olmadan Ukraynaya təhvil verilməsini istədiyi şəxslərin siyahısını təqdim edib”, – deyə Moskalkova bildirib.
O əlavə edib ki, Rusiya mümkün təhvil üçün 31 ukraynalının siyahısını təsdiqləyib və həmin siyahı Ukrayna tərəfinə göndərilib: “Biz Ukrayna ombudsmanı Dmitri Lubinets ilə bu həftə danışıqlar aparmaq və konkret tarix müəyyənləşdirmək barədə razılaşdıq”.
