Meksika Milli Miqrasiya İnstitutu (INM) prezident Andres Manuel Lopez Obradorun 2018-ci ildə hakimiyyətə gəlişindən bu yana 1 milyon 740 mindən çox immiqrantın ölkəyə sığındığını açıqlayıb.
"Operativ Məlumat Mərkəzi-OMM" xəbər verir ki, Meksikanın Milli Miqrasiya İnstitutu Meksika ərazisinə immiqrant kimi daxil olan əcnəbilər haqqında hesabat dərc edib.
Obrador dövründə 1 milyon 742 min 365 əcnəbinin Meksikaya sığındığı bildirilib. Hesabatda bu şəxslərə ölkədə qalmaları üçün qanuni sənədlər verildiyi, onlardan 510 mindən çoxunun “humanitar qayğı” səbəbilə sığınacaq verildiyi bildirilib.
COVID-19 pandemiyası və ABŞ-ın immiqrasiya siyasətinin Meksikaya müraciətlərin artmasına səbəb olduğu bildirilib.
ABŞ-ın o zamankı prezidenti Donald Trampın COVID-19 epidemiyası zamanı immiqrantlara qarşı həyata keçirdiyi tədbirlər çərçivəsində yüz minlərlə mühacir Meksika ərazisinə geri göndərilib.
