Ukrayna Prezidenti Vladimir Zelenski martın 19-da ABŞ prezidenti Donald Tramp ilə telefon danışığı keçirməyi planlaşdırdığını açıqlayıb.
"Operativ Məlumat Mərkəzi-OMM" xarici KİV-ə istinadən xəbər verir ki, Vladimir Zelenski bunu Finlandiya Prezidenti Alexander Stubb ilə birgə mətbuat konfransı zamanı deyib.
O qeyd edib ki, telefon danışığında ABŞ prezidentinin Rusiya prezidenti Vladimir Putinlə söhbəti zamanı əldə olunan razılaşmaları müzakirə edəcəklər.
"Bu gün Prezident Trampla əlaqə saxlayacağam. Növbəti addımların təfərrüatlarını müzakirə edəcəyik. Putinlə söhbətinin təfərrüatlarını ondan eşitməyi gözləyirəm", - deyə Zelenski açıqlayıb.
