Yunanıstanda immiqranta qarşı fiziki zorakılıq ittihamı ilə 4 polis saxlanılıb

Yunanıstanın paytaxtı Afina yaxınlığındakı Amiqdalezadakı immiqrantların qəbulu mərkəzində çalışan 4 sərhəd polisi bir mühacirə qarşı fiziki zorakılıq tətbiq etdikləri səbəbi ilə saxlanılıb.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

Açıqlamada mühacirin aldığı zərbələrdən sonra qabırğasının sındığı və sərhəd polisinin müvafiq prokurorluğa sövq edildiyi bildirilib.

Sözügedən polislərin fiziki zorakılıqda günahlandırıldığı və immiqrantın xəstəxanada müalicəsini davam etdirdiyi bildirilib.