"Macarıstan müxtəlif ölkələrdən qaz idxalına arxalanır və yaxın gələcəkdə Türkmənistan qazının tədarükünə ümid edir".
"Operativ Məlumat Mərkəzi-OMM" xəbər verir ki, bu sözləri Macarıstanın Şərq əlaqələrinin inkişafı üzrə dövlət katibinin müavini Adam Ştifter deyib.
“Energetika sahəsində biz Türkmənistana etibarlı tərəfdaş kimi baxırıq. Macarıstan qaz idxalından asılıdır və müxtəlif ölkələrlə əməkdaşlıq edir. Bu səbəbdən Türkmənistana da böyük ümidlə baxırıq və inanırıq ki, yaxın gələcəkdə Türkmənistan Avropaya, daha dəqiqi, Macarıstana qaz ixrac edən ölkəyə çevriləcək",- o qeyd edib.
