Bolqarıstanın baş naziri Rosen Jelyazkov ölkə boyu etirazlar fonunda hökumətinin istefa verdiyini açıqlayıb.
"Operativ Məlumat Mərkəzi-OMM" xəbər verir ki, bu barədə baş nazir təcili mətbuat konfransı zamanı bildirib.
"Bizim istəyimiz cəmiyyətin gözlədiyi səviyyədə olmaqdır. Güc suverendən və xalqın səsindən gəlir. İstər gənc, istərsə də yaşlı istefa üçün səslərini ucaltdılar. Bu vətəndaş enerjisi dəstəklənməli və təşviq edilməlidir", - baş nazir bildirib.
