UNRWA: "Əgər maliyyə dəstəyi kəsilməyə davam edərsə, Qəzzada işimiz dayana bilər"

Birləşmiş Millətlər Təşkilatının (BMT) Yaxın Şərqdəki Fələstinli Qaçqınlara Yardım və İşlər üzrə Agentliyi (UNRWA) xəbərdarlıq edib ki, quruma maliyyə dəstəyi kəsilməyə davam edərsə, o, çox güman ki, Qəzza zolağındakı bütün işlərini dayandırmalı olacaq.

"Operativ Məlumat Mərkəzi-OMM" xəbər verir ki, bu barədə xarici KİV məlumat yayıb.

"Qəzzada 2 milyondan çox insanın böyük humanitar ehtiyacları 16 donor ölkənin UNRWA-ya maliyyə dəstəyini dayandırmaq qərarından sonra dərinləşmə riski altındadır",- deyə paylaşımda qeyd olunub.

Bəyanatda keçən həftə İsrailin bombardmanları səbəbindən on minlərlə insanın Qəzza zolağının cənubundakı Xan Yunusdan daha da cənuba qaçmaq məcburiyyətində qaldığı vurğulanıb və bu insanların 1,4 milyondan çox fələstinlinin yaşadığı Rəfah şəhərinə qaçdığı qeyd edilib.