Çexiya Prezidenti Petr Pavel münaqişənin sülh yolu ilə həlli barədə razılıq əldə olunduqdan sonra Ukraynada çex sülhməramlılarının yerləşdirilməsinin mümkün olduğunu bildirib.
"Operativ Məlumat Mərkəzi-OMM" xəbər verir ki, bununla bağlı TASS məlumat yayıb.
“Əgər Ukraynada sülhməramlı bölmələr yerləşdiriləcəksə, Çexiya da onların tərkibində olmalıdır”, – Pavel vurğulayıb.
Prezidentin sözlərinə görə, çex hərbçilərinin sülhməramlı missiyada iştirakı sülh razılaşmasının şərtlərindən asılı olacaq. Onlar digər ölkələrin bölmələri ilə birlikdə təmas xətti boyunca demilitarizasiya zonasında yerləşdirilə bilərlər.
Daha əvvəl bildirilmişdi ki, Böyük Britaniya hakimiyyəti istəkli ölkələr koalisiyası çərçivəsində hərbçilərini Ukraynaya göndərməyə hazırdır, lakin bu, yalnız hava və dəniz məkanının müdafiəsini təmin etmək məqsədi daşıyacaq.
