Suriya prezident Bəşər Əsədin devrilməsindən sonra yeni dövrə qədəm qoyub, lakin ölkənin xaosa və şiddətli hakimiyyət mübarizələrinə sürüklənməsi riski var.
"Operativ Məlumat Mərkəzi-OMM" xəbər verir ki, bu fikirləri "Dünya" qəzetinin yazarı Burak Kuntay deyib.
O, hesab edir ki, Suriyada baş verənlər tarixi və dönüş nöqtəsidir, lakin Suriya 2010-cu ildən ərəb baharı və digər qiyamlar səbəbindən ciddi problemlər yaşayır və ölkəyə yeni hökumətin gətirilməsi prosesi o qədər də sadə olmaya bilər.
"Etnik, dini, məzhəb və ideoloji cəhətdən fərqli qruplardan ibarət Suriya müxalifətinin prioriteti Əsədi devirmək idi",- deyə Burak qeyd edib.
